Ատամնաբույժը երեխայի կյանք է փրկել
Ատամնաբույժը երեխայի կյանք է փրկել
Ուֆացի ատամնաբույժն օդանավում երեխայի է վերակենդանացրել։ Օդանավն իրականացրել է Անթալիա-Մոսկվա թռիչքը, երբ 1,8 տարեկան աղջիկ երեխայի ինքնազգացողությունը վատացել է, – գրում է Հրապարակը։ Երեխան կորցրել է գիտակցությունը, լեզուն կուլ տվել, շնչառության կանգ է արձանագրվել, սկսվել է դողէրոցք եւ կապտում։
Ուղեւորների մեջ եղել է Ուֆայի թիվ երկու ստոմատոլոգիական պոլիկլինիկայի ղեկավար Գուզելյա Վալեեւան, ով երեխային սրտի անուղղակի մերսում է իրականացրել եւ արհեստական շնչառություն տվել։ Նոպան կրկնվել է, սակայն ատամնաբույժին հաջողվել է նաեւ երկրորդ անգամ վերակենդանացնել երեխային։
Օդանավն արտակարգ վայրէջք է կատարել Ռոստովի օդանավակայանում։ Այժմ երեխայի հետ ամեն բան կարգին է, ու նա գտնվում է քաղաքի հիվանդանոցներից մեկում։ Տեղի ունեցածի մասին պատմել է Բաշկիրիայի տեղական պառլամենտի փոխնախագահ Ռուսթեմ Ահմադինուրովը։
