Ավտովթար` Երևանում․ «Արմենիա Դե Լյուքս» հյուրանոցային համալիրի մոտ բախվել են Mercedes-ն ու Hyundai Elantra-ն․ կա վիրավոր
Ավտովթար` Երևանում․ «Արմենիա Դե Լյուքս» հյուրանոցային համալիրի մոտ բախվել են Mercedes-ն ու Hyundai Elantra-ն․ կա վիրավոր
Shamshyan.com-ը գրում է․ Այսօր՝ նոյեմբերի 27-ին, ավտովթար է տեղի ունեցել Երևանում։ Ժամը 01։10-ի սահմաններում Սեբաստիա փողոցում՝ «Արմենիա Դե Լյուքս» հյուրանոցային համալիրի հարևանությամբ, բախվել են Hyundai Elantra և Mercedes մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով մեկ հոգի տեղափոխվել է «Աստղիկ» բժշկական կենտրոն։
Օպերատիվորեն դեպքի վայր են ժամանել ՀՀ ոստիկանության պարեկային ծառայության Երևանի գնդի 2-րդ գումարտակի 2-րդ վաշտի պարեկները՝ գումարտակի հրամանատար Լևոն Բադալյանի, գումարտակի հրամանատարի տեղակալ Դավիթ Նիկողոսյանի գլխավորությամբ։
Օպերատիվորեն ժամանել են նաև Արտակարգ իրավիճակների նախարարության փրկարար ծառայության Երևանի թիվ 1 հշրեջ-փրկարարական ջոկատից 1 մարտական հաշվարկ։
Վթարի մասին պարեկային ծառայության Երևանի գնդից տեղեկությունը փոխանցել են Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին, որտեղից ժամանել է քննչական խումբը՝ բաժնի պետ Գոռ Թադևոսյանի, քննիչ Գեղամ Ծառուկյանի գլխավորությամբ։
Վթարի փաստով Գ․ Ծառուկյանի կողմից նախաձեռնվել է վարույթ։
