Առեղծվածային դեպք Երևանում. Սբ. Սարգիս եկեղեցու հարևանությամբ գտնվող ժայռի տակ հայտնաբերվել է տղամարդու դի
Առեղծվածային դեպք Երևանում. Սբ. Սարգիս եկեղեցու հարևանությամբ գտնվող ժայռի տակ հայտնաբերվել է տղամարդու դի
Shamshyan.com-ը գրում է․ Այսօր՝ օգոստոսի 7-ին, առեղծվածային դեպք է տեղի ունեցել Երևանում:
Ժամը 15:30-ի սահմաններում, ոստիկանության օպերատիվ կառավարման կենտրոն ահազանգ է ստացվել, որ Սբ. Սարգիս եկեղեցու դիմաց՝ ժայռ տակ, տղամարդու դի կա:
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են ՀՀ ոստիկանության Պարեկային ծառայության Երևանի գնդի 2-րդ գումարտակի 3-րդ վաշտի պարեկները՝ գումարտակի հրամանատար Լևոն Բադալյանի, գումարտակի հրամանատարի տեղակալ Դավիթ Նիկողոսյանի և վաշտի հրամանատար Արման Մարտիրոսյանի գլխավորությամբ:
Տեղում տարածքը սահմանազատել և հսկողություն են իրականացրել նույն վաշտի պարեկ Նարեկ Սարգսյանն ու կրստեր պարեկ Թելման Ասատրյանը:
Դեպքի վայր է ժամանել նաև ոստիկանության Կենտրոնական բաժնի օպերատիվ խումբը՝ բաժնի պետ Արման Պապյանի գլխավորությամբ: Ժամանած շտապօգնության բժիշկների հերթապահ խումբը արձանագրել է տղամարդու մահը:
Դեպքի վայր են ժամանել նաև Հայաստանի քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների 2-րդ քննչական բաժնի քննիչները:
Դեպքի փաստով քննչական բաժնում նախաձեռնվել է քրեական վարույթ:
Ոստիկանությունն ու քննչական բաժինը մի քանի վարկածի ուղղությամբ են աշխատում, այդ թվում՝ դժբախտ պատահարի. բարձրությունից տղամարդը անզգուշաբար ցած է ընկել:
Ոստիկանություն ու քննչական բաժինը պարզում են մահացածի ինքնությունը:
