Ամերիկացի տղամարդը 20 տարի միտումնավոր ենթարկել է իրեն աշխարհի ամենամահացու օձերի խայթոցներին
Ամերիկացի տղամարդը 20 տարի միտումնավոր ենթարկել է իրեն աշխարհի ամենամահացու օձերի խայթոցներին
Նախկին համակարգչային մասնագետ, ամերիկացի Թիմ Ֆրիդը 20 տարի շարունակ կամավոր ենթարկել է իրեն աշխարհի ամենամահացու օձերի ավելի քան 200 խայթոցների և մոտ 700 թույնի ներարկումների՝ նպատակ ունենալով ստեղծել համընդհանուր հակաթույն։
Նրա տարօրինակ փորձերը սկսվել են մահվան սահմանագծին հայտնվելուց հետո, երբ Թիմի վրա հարձակվել էին երկու կոբրաներ, և միայն հրաշքն էր նրան փրկել։ Ողջ մնալուց հետո նա որոշել էր, որ ինքն ունի սուպեր անձեռնմխելիություն և մեկ այլ խայթոցից երբեք չի մահանա։ Սակայն այս ճանապարհը նրան տարավ շատ ավելի մեծ արդյունքի։
Ժամանակի ընթացքում նրա օրգանիզմը զարգացրեց դիմադրողականություն թույնի հանդեպ, իսկ նրա արյունը վերածվեց համընդհանուր հակաթույնի՝ ունակ չեզոքացնելու տարբեր տեսակի օձերի թույները։
Թիմ Ֆրիդի կենսաբանական առանձնահատկությունների վրա հիմնվելով՝ գիտնականները սկսել են աշխատել համընդհանուր հակաթույնի մշակման ուղղությամբ, ինչը կարող է հեղափոխել բժշկությունը և փրկել հազարավոր կյանքեր ամբողջ աշխարհում։
Հակաթույնն այժմ պատրաստվում է կենդանիների, օրինակ՝ ձիերի մեջ օձի թույնի փոքր չափաբաժիններ ներարկելով։ Նրանց իմունային համակարգը պայքարում է թույնի դեմ՝ արտադրելով հակամարմիններ, որոնք հավաքվում են որպես թերապիա օգտագործելու համար։
Սակայն թույնը և հակաթույնը պետք է համապատասխանեն միմյանց, քանի որ թունավոր խայթոցի մեջ առկա տոքսինները տարբերվում են տեսակից տեսակ։
Նույն տեսակի ներսում նույնիսկ մեծ բազմազանություն կա. Հնդկաստանում օձերից պատրաստված հակաթույնը Շրի Լանկայում նույն տեսակի դեմ պակաս արդյունավետ է։
Հետազոտողների մի խումբ սկսեց փնտրել իմունային պաշտպանության մի տեսակ, որը կոչվում է լայնորեն չեզոքացնող հակամարմիններ։ Թույնի այն մասը թիրախավորելու փոխարեն, որը այն եզակի է դարձնում, նրանք թիրախավորում են այն մասերը, որոնք ընդհանուր են թույնի ամբողջ դասերի համար։
Այդ ժամանակ Centivax կենսատեխնոլոգիական ընկերության գլխավոր գործադիր տնօրեն, դոկտոր Ջեյքոբ Գլանվիլը հանդիպեց Թիմ Ֆրիդեին։
«Ես անմիջապես մտածեցի. «Եթե աշխարհում որևէ մեկը մշակել է այս լայնորեն չեզոքացնող հակամարմինները, դա նա է լինելու», և ես դիմեցի նրանց», – ասաց նա։
