Անկարայում ավտոբուս է վթարվել. կա 11 զոհ, 24 վիրավոր
Անկարայում ավտոբուսի հետ վթարի հետևանքով զոհվել է 11 մարդ, վիրավորվել՝ 24-ը, գրում են թուրքական ԶԼՄ-ները։
Ուղևորատար ավտոբուսը կորցրել է կառավարումը և բախվել էստակադայի պատին։
«Անկարայի Փոլաթլի թաղամասում տեղի ունեցած ճանապարհատրանսպորտային պատահարի հետևանքով բազմաթիվ մարդիկ են զոհվել և վիրավորվել»,- գրում է գործակալությունը։
Դեպքի վայր են ժամանել շտապօգնության և հրշեջ-փրկարարների մի քանի մեքենաներ, ճանապարհի հատվածը փակ է եղել երթեւեկության համար։
Ըստ նախնական տեղեկությունների՝ վթարի պատճառը կարող էր լինել արգելակման համակարգի անսարքությունը կամ վարորդի ղեկին քնելը։
