Այսօր երգիչ, կոմպոզիտոր և ճարտարապետ Արթուր Մեսչյանի ծննդյան օրն է

Այսօր հայ ճարտարապետ, երաժիշտ, կոմպոզիտոր, բանաստեղծ, երգիչ, նկարիչ Արթուր Մեսչյանի 77-ամյակն է:

Նա ծնվել է 1949 թվականի մարտի 3-ին Երևանում:  Փոքր հասակից հետաքրքրվել է երաժշտությամբ և նկարչությամբ։ Մանուկ հասակում երգում էր հայկական և ռուսական երգեր, հետագայում նաև՝ իտալական, անգլիական, ֆրանսիական, լեհական ու հունգարական։

Յոթ տարեկանից հաճախել է Երևանի Ալեքսանդր Սպենդիարյանի անվան երաժշտական դպրոց՝ ջութակի ու դաշնամուրի դասերի, նաև երգել է դպրոցի երգչախմբում: Դպրոցական տարիներին սկսում է երաժշտություն գրել։ Հասուն տարիքում՝ 1973 թվականին՝ մոտ մեկ տարի, Արթուր Մեսչյանը երգում է Մայր Աթոռ Սուրբ Էջմիածնի երգչախմբում, ինչը հետագայում մեծ ազդեցություն է թողնում նրա ստեղծագործությունների վրա: 

Դեռևս դպրոցում ուսանելու տարիներին գրում է «Ո՞ւր էիր Աստված», «Կտակը» և «Ծերունի» երգերը:

Առաջին անգամ «Ո՞ւր էիր Աստված» երգը հանդիսատեսի համար կատարվում է Երևանի թիվ 122 միջնակարգ դպրոցում, որտեղ և սովորում էր Ա. Մեսչյանը։

Նրա երգերը հաճախ ունեն փիլիսոփայական և հայրենասիրական բովանդակություն՝ անդրադառնալով ազգային ինքնությանը և մարդու ներաշխարհին։ Խորհրդային տարիներին նրա ստեղծագործությունները երբեմն ենթարկվել են գրաքննության, սակայն նա շարունակել է ստեղծագործել և պահպանել իր արվեստի ինքնատիպությունը։

Բացի երաժշտական գործունեությունից, Մեսչյանը մասնագիտությամբ ճարտարապետ է և մասնակցել է մի շարք կարևոր նախագծերի իրականացմանը Հայաստանում։