Ալիևները Թուրքիայում 500 միլիոն եվրոյով շքեղ հյուրանոցի բաժնետոմսեր են գնել

Ալիևների ընտանիքը ձեռք է բերել Թուրքիայի Մուղլա քաղաքում գտնվող հինգաստղանի Mandarin Oriental Bodrum հյուրանոցի 50% բաժնեմասը՝ կատարելով 500 միլիոն եվրոյի ներդրում։

Այս մասին հաղորդում է Türkiye Today-ը։

Գործարքը, որը կնքվել է թուրքական Astas Holding կառուցապատող ընկերության հետ համագործակցությամբ, իրականացվել է Pasha Holding-ի միջոցով, որի խոշորագույն բաժնետերերն, ըստ որոշ տեղեկությունների, Լեյլա և Արզու Ալիևաներն են՝ Ադրբեջանի նախագահ Իլհամ Ալիևի դուստրերը, ինչը ներդրումն  ուղղակիորեն կապում է երկրի իշխող ընտանիքի հետ։