Աժ առաջին նիստի բացումը կատարվեց Ամենայն հայոց կաթողիկոս Գարեգին Բ-ի օրհնանքով
Րոպեներ առաջ մեկնարկեց 7-րդ գումարման Ազգային ժողովի առաջին նիստը: Նիստը վարում է պատգամավորներից ամենատարիքովը՝ Կնյազ Հասանովը: Նա «Իմ քայլը» խմբակցությունից է, ներկայացնում է Հայաստանի քրդական համայնքը:
Նիստի բացմանը ներկա են նաեւ ՀՀ նախագահ Արմեն Սարգսյանը և Ամենայն հայոց կաթողիկոս Գարեգին Բ-ն, ով նիստի սկզբում օրհնեց 7-րդ գումարման Աժ առաջին նիստը:
Այսօրվա նիստի օրակարգում հետեւյալ հարցերն են.
Հաշվիչ հանձնախմբի ստեղծում:
Ազգային ժողովի նախագահի ընտրություն:
Ազգային ժողովի նախագահի երեք տեղակալների ընտրություն:
Մշտական հանձնաժողովների ստեղծում:
Մշտական հանձնաժողովների նախագահների ընտրություն:
Կառավարության առաջարկությամբ՝ կառավարության կառուցվածքի փոփոխության վերաբերյալ օրենքի նախագծի քննարկում:
Կառավարության ծրագրին հավանություն տալու հարց:
