Ազատության պողոտայում Ford-ը բախվել է շինության պատին. խաղալիքների խանութն ու դեղատունը նյութական խոշոր չափի վնաս են կրել
Ազատության պողոտայում Ford-ը բախվել է շինության պատին. խաղալիքների խանութն ու դեղատունը նյութական խոշոր չափի վնաս են կրել
Shamshyan.com-ի փոխանցմամբ՝ այսօր՝ հոկտեմբերի 22-ին, խոշոր ավտովթար է տեղի ունեցել Երևանում։ Ժամը 07։40-ի սահմաններում Ford Transit մակնիշի ավտոմեքենան Ազատության պողոտայում դեռևս անհայտ հանգամանքներում դուրս է եկել ճանապարհի երթևեկելի գոտուց, հայտնվել մայթին և բախվել Ազատության պողոտա թիվ 11 շենքի պատին։
Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների, բարեբախտաբար, տուժածներ չկան, սակայն շենքի առաջին հարկում գործող խաղալիքների խանութն ու դեղատունը կրել են խոշոր չափի նյութական վնաս։
Օպերատիվորեն ժամանել են ՀՀ ոստիկանության պարեկային ծառայության Երևանի գնդի 3-րդ գումարտակի 3-րդ վաշտի ավագ պարեկ Մհեր Կարապետյանն ու պարեկ Հայկ Մովսիսյանը։
Փաստի առթիվ Հ. Մովսիսյանի կողմից նյութեր են նախապատրաստվում։ Վթարի մասին տեղեկանալով՝ Արաբկիրի թաղապետ Արամ Դանիելյանը հանձնարարությամբ դեպքի վայր են օպերատիվորեն ժամանել թաղապետարանի կոմունալ բաժնի աշխատակիցները՝ բաժնի պետ Արմեն Մկրտչյանի գլխավորությամբ՝ կատարելու համար ճանապարհի լվացման աշխատանքներ։ Պարեկային ծառայությունը պարզում է վարորդի ինքնությունը։
Դեպքի վայրում հավաքված քաղաքացիները նշում էին, որ մինչ պարեկների ժամանումը, վարորդին օգնություն են ցուցաբերել դեղատան և խաղալիքների խանութ-սրահի աշխատակիցները։
