Ադրբեջանում զորավարժություններ են սկսվել
Ադրբեջանում զորավարժություններ են սկսվել
Համաձայն զորքերի մարտավարական պատրաստության 2021 թվականի ծրագրի՝ ադրբեջանական բանակում անցկացվում են բրիգադային մակարդակով հրամանատարաշտաբային զորավարժություններ, հայտնել են ադրբեջանական ԶԼՄ-ները՝ հղում անելով Ադրբեջանի ՊՆ մամուլի ծառայությանը:
Ըստ հաղորդագրության՝ հրամանատարաշտաբային զորավարժություններում ներգրավված կազմավորումները ևզորամասերը բերվել են տարբեր աստիճանի բարձր պատրաստության, դուրս են բերվել կենտրոնացման պահուստային կետեր եւ օպերատիվ նշանակության շրջաններ, եւ ապահովվել է տարածքում ղեկավար մարմինների տեղակայումը:
Զորավարժությունների յուրաքանչյուր փուլում նախատեսվում է զորքերի եւ ղեկավար մարմինների ներգրավվում՝ հաշվի առնելով բարձր պատրաստվածության աստիճանի բարձրացումը: Առանձնահատուկ ուշադրություն է դարձվում ստորաբաժանումների փոխգործակցությանը:
