Ադրբեջանում ավտովթարի հետևանքով 5 զինվորական է մահացել
Ադրբեջանում՝ Թովուզում ճանապարհատրանսպորտային պատահարի հետևանքով 5 զինվորական է մահացել, հաղորդել է երկրի պաշտպանության նախարարությունը։
Ինչպես ասվում է ՊՆ հաղորդագրության մեջ, նոյեմբերի 27-ին Թովուզի շրջանում զոհվել են ադրբեջանական բանակի հինգ զինծառայողներ՝ ավագ սպա Ռուսլան Գուրբանովը, զինծառայողներ՝ ավագ սերժանտ Գաբիլ Ալիևը, սերժանտ Ալիև Բահլուլը, սերժանտ Ախմեդով Գալանդարը և կրտսեր սերժանտ Մեհդիև Թուրանը.
Ինչպես տեղեկանում է Bavnews.am-ը՝ գյուղական ճանապարհին բախվել են երկու ավտոմեքենա, ինչի հետևանքով վեց մարդ ստացած վնասվածքներից տեղում մահացել է, ևս մեկը ծանր վնասվածքներով հոսպիտալացվել է։
Դեպքի վայրում են շտապօգնության ծառայությունները, ՊՆ զինվորականներ։ Դեպքի հանգամանքները պարզվում են։
