Ադրբեջանը մտադիր է նոր բախումներ հրահրել Արցախում ու հայ-ադրբեջանական սահմանին. Նիկոլ Փաշինյան
Ադրբեջանը մտադիր է նոր բախումներ հրահրել Արցախում ու հայ-ադրբեջանական սահմանին. Նիկոլ Փաշինյան
ՀՀ վարչապետի պաշտոնակատար Նիկոլ Փաշինյանը՝ երկօրյա այցով Հայաստան ժամանած Եվրոպական խորհրդի նախագահ Շառլ Միշելի հետ ասուլիսի ժամանակ անդրադարձավ Արցախի դեմ Ադրբեջանի սանձազերծած ագրեսիային, գերիների հարցին:
«Մի քանի անգամ հայտարարել եմ, որ Հայաստանը պատրաստ է բանակցությունների վերսկսմանը, բայց Ադրբեջանը չի արձագանքել ու ոչ պաշտոնական աղբյուրներից ստացած տեղեկությունների համաձայն, մտադիր է ռազմական նոր բախումներ հրահրել Արցախում ու հայ-ադրբեջանական սահմանին, ինչի արտահայտությունը տեսնում ենք հայ-ադրբեջանական սահմանի Նախիջևանի հատվածում:
Ադրբեջանի հրահրած միջադեպերը թույլ չեն տալիս սկսել սահմանանշման աշխատանքները…. Ռազմագերիների, պատանդների ու պահվող այլ անձանց չվերադարձնելու՝ Ադրբեջանի գործելակերպը եռակողմ հայտարարության խախտման միակ դեպքը չէ:
Հայտարարությամբ նախատեսված է նաև տարածաշրջանի տրանսպորտային ու տնտեսական ենթակառուցվածների ապաշրջափակում, որը խոչընդոտում է Ադրբեջանը, խոչընդոտում է ոչ միայն ՀՀ սուվերեն տարածքը օկուպացնելու սպառնալիքներով, այլև հրաժարվում է ՀՀ-ին միջանցք տրամադրել՝ Հայաստան-Վրաստան-Ադրբեջան-Ռուսաստան երկաթուղու գործարկման համար»,- ասել է Փաշինյանը:
