«Ֆորմուլա 1»-ի չեմպիոն Միխայել Շումախերն ուշքի է եկել 6 տարվա կոմայից հետո

«Ֆորմուլա 1»-ի չեմպիոն Միխայել Շումախերն ուշքի է եկել վեց տարվա կոմայից հետո։ Այժմ մրցարշավորդը գիտակցության է եկել։ Այս մասին հայտնում է «lenta»-ն։

Մի քանի օր առաջ «Ֆորմուլա 1»-ի յոթակի չեմպիոն Միխայել Շումախերը տարվել էր Փարիզի հիվանդանոցներից մեկի սրտաբանական բաժանմունք։ Այդ ժամանակ տեղեկացվեց, որ մրցարշավորդը պետք է սրտի հյուսվածքում ցողունային բջիջների ներդրման փորձնական վիրահատության ենթարկվի։

Այժմ Փարիզի կլինիկայի բուժանձնակազմը տեղեկացրել է, որ Միխայել Շումախերն ուշքի է եկել վեց տարվա կոմայից հետո։ Ինչպես նշել են սրտաբանության բաժանմունքի աշխատակցուհիները, մրցարշավորդը գիտակցության է եկել, տեղեկացնում է «Լենտա»-ն։

Հիշեցնենք՝ 2013-ին Շումախերը լուրջ գանգուղեղային վնասվածք էր ստացել, երբ դահուկներով սահում էր Ալպերում։ Դրա հետեւանքով նա կոմայի մեջ էր ընկել։