Փոխվարչապետի գրասենյակի ղեկավարն ունի ավելի քան 436 մլն դրամի գույք

«Հանրային ծառայության մասին» ՀՀ գործող օրենքի համաձայն՝ ՀՀ փոխվարչապետի գրասենյակի ղեկավարի համար գույքի, եկամուտների և շահերի հայտարարագիր ներկայացնելու պահանջ սահմանող դրույթը ուժի մեջ է մտնում 2019 թվականի հունվարի մեկին և պարտավորություն սահմանում մինչև 2019 թվականի մարտի 31-ը հայտարարագիր ներկայացնել Կոռուպցիայի կանխարգելման հանձնաժողով: Այս մասին ֆեյսբուքյան իր էջում գրել է ՀՀ փոխվարչապետի գրասենյակի ղեկավար Վարագ Սիսեռյանը:

«Հաշվի առնելով, որ քանի դեռ օրենքի այս դրույթը ուժի մեջ չի մտել, չեմ կարող օրենքով սահմանված կարգով հայտարարագիր ներկայացնել, միաժամանակ հավատարիմ մնալով հաշվետու և թափանցիկ կառավարման որդեգրված քաղաքականությանը, բացառելով հետագայում հնարավոր շահարկումները՝ ստորև ներկայացնում եմ պաշտոնը ստանձնելու պահին գույքիս և եկամուտներիս կազմը»: