Սնուփ Դոգը և Մոդրիչը դարձել են բրիտանական հայտնի ակումբի համասեփականատեր

Ամերիկացի ռեփեր Սնուփ Դոգը ներդրում է կատարել «Սուոնսիում» և դարձել է ուելսական ակումբի համասեփականատեր։ Աղբյուրը՝ ArmSport.am։

Ակումբի բյուջեում կատարողի ներդրման ճշգրիտ չափը հայտնի չէ, սակայն, ի թիվս այլ բաների, նա վճարել է թիմի տնային համազգեստի արտադրության համար, հաղորդում է ակումբի մամուլի ծառայությունը։

Ապրիլին հայտնի դարձավ, որ Լուկա Մոդրիչը, որը հրաժեշտ տվեց Մադրիդի «Ռեալին» և տեղափոխվեց «Միլան», դարձավ «Սուոնսիի» ևս մեկ համասեփականատեր։

Սա առաջին անգամը չէ, որ Սնուփ Դոգը մեծ հետաքրքրություն է ցուցաբերում եվրոպական ֆուտբոլի նկատմամբ։ Նա մասնակցել է ՖԻՖԱ-ի և ՈւԵՖԱ-ի տարբեր նախագծերի և ելույթներ ունեցել խոշոր միջոցառումների ժամանակ։ «Սուոնսի Սիթին» նախորդ մրցաշրջանում Չեմպիոնշիփում զբաղեցրեց 11-րդ հորիզոնականը։