Ռուսաստանն ինտենսիվ կերպով հրթիռակոծում է Ուկրաինան. կան զոհեր

Ռուսաստանը հրթիռներ է արձակել Ուկրաինայի ուղղությամբ. դրանք խոցել են բնակելի շենք

Դնեպրում ռուսական թևավոր հրթիռից ավերված ինը հարկանի շենքի փլատակների տակից 15 մարդ է փրկվել, հայտնում է Ուկրաինայի նախագահի աշխատակազմի ղեկավարի տեղակալ Կիրիլո Տիմոշենկոն։

Հրթիռակոծության հետևանքով տուժել է 27 մարդ, այդ թվում՝ վեց երեխա։ «Ուկրաինական քաղաքների վրա այսօրվա հրթիռային հարձակումները ևս մեկ ապացույց են, որ Ռուսաստանը ահաբեկիչ է և տեղ չունի քաղաքակիրթ աշխարհում»,- ասել է Ուկրաինայի վարչապետ Դենիս Շմիգալը։

Դեպքի վայրում են փրկարարական ծառայությունները։ Զոհերի ստույգ թիվը ճշտվում է։