ՌԴ արտիստներից ովքեր են երգել Սամվել Ալեքսանյանի որդու հարսանիքին

ՌԴ արտիստներից ովքեր են երգել Սամվել Ալեքսանյանի որդու հարսանիքին

Hraparak.am-ը գրում է․ Օրեր առաջ Դուբայում մեծ շուքով նշել են Սամվել Ալեքսանյանի որդու՝ Գոռի հարսանիքը։ Հարսանիքը նախատեսված էր դեռ սեպտեմբերին, սակայն պատերազմի պատճառով հետաձգվել էր, հետո օլիգարխի ընտանիքը որոշել էր հայի չար աչքից հեռու կազմակերպել, եւ հյուրերով-բանով մեկնել են Դուբայ՝ հատուկ չարթերային չվերթով օդանավ վարձելով։

Հարսնացուն, ասացին, ռուսաստանաբնակ հարուստ ընտանիքի աղջիկ է։ Քավորն այս անգամ էլ չի փոխվել․ «Տաշիր գրուպի» հիմնադիր Սամվել Կարապետյանն է՝ Ալեքսանյանների ընտանիքի վաղեմի կնքահայրը։

Պատմեցին, որ Ալեքսանյանի որդու հարսանիքին Նիկոլ Փաշինյանի ընտանիքից եւս անդամներ են եղել։ Մասնավորապես, հյուրերի մեջ նկատել են Փաշինյանի ավագ դստերը՝ Մարիամին, ով, ականատեսների պատմելով, լավ պարել, ուրախացել է։

Ասացին նաեւ, որ թամադան հարսանիքի կազմակերպիչների անունից հատուկ զգուշացրել է հյուրերին, որ որեւէ մեկը լուսանկարներ, տեսանյութեր չտարածի համացանցում, որ հետո «նեղանալ չլինի»։ Դա է պատճառը, որ հարսանիքը մաքսիմալ գաղտնի է եղել, եւ համացանցում նկարներ, տեսանյութեր չեն հայտնվել»:

Այնուամենայնիվ, ավելի ուշ համացանցում հարսանիքից լուսանկարներ հայտնվեցին, ինչպես նաև որոշ տեսանյութեր, որոնցից  երևում է, թե որ աստղերն են երգել հարսանիքին:  

Կադրերից մեկում երգում է ՌԴ արտիստ Ֆիլիպ Կիրկորովը, ով ի դեպ, Հայաստան էր ժամանել նաև Ալեքսանյանի դստեր հարսանիքին, եւ նույնպես հանդես էր եկել հատուկ համարով։