Պուտինը Ղրիմի կամրջի պայթեցման մասին (Տեսանյութ)

Պուտինը Ղրիմի կամրջի պայթեցման մասին (Տեսանյութ)

ՌԴ նախագահ Վլադիմիր Պուտինը Ղրիմի կամրջի վրա տեղի ունեցած պայթյունն ահաբեկչություն է անվանել։ Համացանցում հայտնվել է տեսանյութ, որում Պուտինը տեղի ունեցածի մասին մեկնաբանություն է տալիս Ռուսաստանի Դաշնության Քննչական կոմիտեի ղեկավար Ալեքսանդր Բաստրիկինի հետ հանդիպման ժամանակ։

Երկրի ղեկավարի խոսքով՝ հարձակումն ուղղված է եղել երկրի կարևոր քաղաքացիական ենթակառուցվածքների ոչնչացմանը։ Նրա խոսքով՝ պայթյունի հեղինակներն ու պատվիրատուները Ուկրաինայի հատուկ ծառայությունների աշխատակիցներն են։

«Կասկած չկա՝ սա ահաբեկչություն է, որի նպատակն է ոչնչացնել Ռուսաստանի Դաշնության քաղաքացիական կարևոր ենթակառուցվածքը»,-ասել է ՌԴ նախագահը:

Տեսանյութում երևում է նաև, թե ինչպես է Բաստրիկինը կատարվածի մեջ մեղադրել ուկրաինական հատուկ ծառայություններին, ինչպես նաև Ռուսաստանի և այլ երկրների որոշ քաղաքացիների։ Նրա խոսքով՝ նրանք օգնել են այս ահաբեկչության նախապատրաստմանը։

Տեսանյութը ստորև