Ովքեր կհսկեն Սյունիքի ճանապարհները. Փաշինյան-Պուտին հեռախոսազրույցն ու նոր որոշումը (Տեսանյութ)

Ովքեր կհսկեն Սյունիքի ճանապարհները. Փաշինյան-Պուտին հեռախոսազրույցն ու նոր որոշումը (Տեսանյութ)

Armlur.am-ը գրում է․ Վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ։ Այս մասին հայտնում են կառավարությունից:

Քննարկվել են Լեռնային Ղարաբաղի հակամարտության կարգավորման արդիական հարցեր՝ 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարություններում ամրագրված պայմանավորվածությունների իրականացման համատեքստում, ինչպես նաև հայ-ադրբեջանական սահմանին տիրող իրավիճակը: Պայմանավորվածություն է ձեռք բերվել շարունակել հետագա շփումները տարբեր մակարդակներում։

Ինչպես հայտնի է, երեկ ժամը 20:00-ի դրությամբ, վերականգվել է Մ2 միջպետական ճանապարհի Գորիս-Շուռնուխ-Կապան հատվածի երթևեկությունը:

Իսկ ինչպես հայտնել է Կապանի քաղաքապետ Գևորգ Փարսյանը, Որոտան և Նոր Առաջաձոր հատվածներում տեղադրվել են բետոնե թափարգելներ՝ այդ հատվածներում երթևեկությունը դանդաղեցնելու նպատակով: Ճանապարհի այդ հատվածների հսկողությունը իրականացնելու են ռուս սահմանապահները»:

Մանրամասները՝ Armlur.am-ի տեսանյութում