Ովքեր են ներկա եղել վարչապետի քավոր-պատգամավորի որդու հարսանիքին. «ժողովուրդ»

Ովքեր են ներկա եղել վարչապետի քավոր-պատգամավորի որդու հարսանիքին

«ժողովուրդ» օրաթերթը գրում է. ««ժողովուրդ» օրաթերթի տեղեկություններով՝ շաբաթ օրը՝ դեկտեմբերի 18-ին, իշխանական ամբողջ էլիտան հարսանեկան խնջույքի է մասնակցել։ Ավելի վաղ գրել էինք, որ ամուսնանում է Ազգային ժողովի տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ Վահե Ղալումյանի որդին։

ՔՊ-ական պատգամավորը որդու հարսանիքին հրավիրած է եղել իշխող խմբակցության բոլոր պատգամավորներին իրենց կողմնակիցների հետ միասին։ Հարսանիքին ներկա են եղել նաև գործադիրի անդամներ՝ վարչապետ Նիկոլ Փաշինյանի գլխավորությամբ։

Նիկոլ Փաշինյան հարսանիք

«Հարսանյաց արարողության բազմամարդությունը նրանով է նաև պայմանավորված եղել, որ հրավիրյալները, որ մեծամասամբ իշխանության ներկայացուցիչներ են եղել, իմացել են՝ Նիկոլ Փաշինյանը, որ Ղալումյանի հետ բացի վաղեմի մտերիմներ լինելը նաև քավոր-սանիկական հարաբերությունների մեջ է, նույնպես ներկա է գտնվելու, հետևաբար չեն ցանկացել «բացակա ստանալ»։ Ուրախ, բավական ակտիվ մթնոլորտում է անցել խնջույքը։ Ներկաները մի լավ «քեֆ» են արել»,- ասաց մեր զրուցակիցը։

Փաշինյանն ու թիմակիցները խնջույքի սեղանին չեն մոռացել նաև միմյանց կենացը խմել, գովել մեկմեկու ու երդվել, որ ՔՊ-ին ու թիմը դավաճանող որևէ մեկին չեն ներելու»։

Մանրամասները՝ թերթի այսօրվա համարում: