Մամուլ

Ոչ ոք էդ պահի վրա ուշադրություն չդարձրեց․ Սիրունյանը՝ Քոչարյանի քրեական հետապնդումը դադարեցնելու մասով

Ոչ ոք էդ պահի վրա ուշադրություն չդարձրեց․ Սիրունյանը՝ Քոչարյանի քրեական հետապնդումը դադարեցնելու մասով

Oragir.News-ը փաստաբան Ալեքսանդր Սիրունյանից հետաքրքրվեց, թե արդյոք վաղեմության ժամկետը խնդիր չէ՞, որի միջոցով բազմաթիվ քրեական գործերի շրջանակներում մեղավորներին հնարավոր չի լինում պատասխանատվության ենթարկել և արդյոք անհրաժե՞շտ է այն երկարացնել։

Փաստաբանը նշեց, որ վաղեմության ժամկետը շատ ճշգրիտ սահմանված ժամկետ է, պարզապես օրենքը սահմանում է, որ այն հոդվածների դեպքում, որոնցով նախատեսվում է ցմահ ազատազրկում, վաղեմության ժամկետի կիրառությունը պետք է քննարկվի։

Փաստաբանն ուշադրություն հրավիրեց այն բանին, որ Քոչարյանի նկատմամբ հետապնդումը դադարեցվել է ոչ թե մեղադրական, այլ ոչ արդարացնող հիմքով։ «Նման որոշման դեպքում Քոչարյանը, կոպիտ ասած, դատախազ ու միլպետ չի կարող աշխատել»,- նշեց նա։

Հարցին, թե Ռոբերտ Քոչարյանի փաստաբանները հետագայում կարո՞ղ են բողոքարկել, որ հետապնդումը դադարեցվել է ոչ արդարացնող հիմքով՝ մեր զրուցակիցը պատասխանեց, որ չեն կարող։ Նա միևնույն ժամանակ հայտնեց, որ վաղեմության ժամկետն, առանց Ռոբերտ Քոչարյանի դիմումի, չէր կարող կիրառվել, ինչի մասին բոլորը լռում են։

«Այդ որոշումը դատարանը չի կայացրել, Քոչարյանը դիմում է գրել, որ նման միջոց կիրառվի։ Ընդ որում նա այդ դիմումը պետք է անձամբ գրի, ոչ թե փաստաբանի միջոցով։ Սա այն առանցքն է, որի մասին բոլորը լռում են, ասում են Դանիբեկյանը վատն է, Պողոսը վատն է և այլն։ Ես պնդում եմ՝ այս մարդը դիմում է գրել, ուշադիր նայեք, առանց իր դիմումի սա չէր կարող լինել»,- նկատեց նա։

Առավել մանրամասն՝ սկզբնաղբյուր կայքում

Կիսվել նյութով