«Միայի համար օրիգինալ զգեստներ ընտրում է Վաչեն»․ Գայանե Մանուկյանը՝ դստեր զգեստապահարանի և մանկական նորաձևության մասին

«Միայի համար օրիգինալ զգեստներ ընտրում է Վաչեն»․ Գայանե Մանուկյանը՝ դստեր զգեստապահարանի և մանկական նորաձևության մասին:

Մանկական նորաձևությունն այժմ ոչնչով չի զիջում մեծերի համար նախատեսված հավաքածուներին։ Համաշխարհային հայտնի նորաձևության տները՝ Gucci-ն, Chanel-ը, Dolce & Gabbana-ն, Chloé-ն, Burberry-ն, ամեն տարի առանձին հավաքածուներով ներկայացնում են երեխաների հագուստներ։ Փոքրիկների համար նախատեսված հավաքածուներ ստեղծելը բարդ է, քանի որ երեխաների մաշկը զգայուն է, հագուստը պետք է ոչ միայն գեղեցիկ, այլև հարմարավետ ու հիպոալերգիկ լինի։  

Համաշխարհային նորաձևության տների աշուն-ձմեռ 2019-2020 թթ. հավաքածուներն այս տարի փոքրիկներին հնարավորություն են տալիս հագնել գրեթե ամեն բան, որ նախատեսված է մեծերի համար։  Տարվա հիմնական միտումներից է «տյուլ» գործվածքը, որի հիմքում  բամբակը, պոլիէսթերն ու մետաքսն է։ Սա հնարավորություն է տալիս փոքրիկների համար ստեղծել և՛  հարմարավետ, և՛ նորաձև, և՛ հիպոալերգիկ look-եր։

Գայանե Մանուկյան

Հոգեբանները վստահ են՝  հագուստը երեխաների համար նաև ինքնաարտահայտման հնարավորություն է։  Փոքրիկի՝ հագուստի միջոցով ինքնաարտահայտմանը կողմ են նաև հումորիստ, պրոդյուսեր Վաչե Թովմասյանն ու կինը՝ դիզայներ, լրագրող Գայանե Մանուկյանը։  

Tert.am Life-ի հետ զրույցում Գայանեն խոսել է մանկական նորաձևության, դստեր պահարանի մաիսն և լուսանկարներ տրամադրել։

Միան շուտով երեք տարեկան կդառնա, փոքրիկը, երբեմն, ինքն է իր ընտրում look-երը։ Մոխրագույն և վարդագույն համադրությամբ look-ը, ըստ Գայանեի, Միան է ընտրել, փոքրիկը նախընտրել է թագը թարս դնել։) Մայրիկը ժպիտով նշեց, որ թե՛ ինքը, թե՛ Վաչեն փորձում են հնարավորինս քիչ սահմանափակել աղջկան և տալ ինքնաարտահայտվելու հարավորություն։

Գայանե Մանուկյան

«Միան շատ է սիրում մազակալներ, գլխազարդեր ընտրել։ Երբեմն ընտրում է ոչ միանման համադրություններ։ Չենք դիմակայում նրա էքսպերիմենտներին, որովհետև ուզում ենք, որ փորձի արտահայտվել։ Հետևում ենք, թե ինչ է ստացվում արդյունքում ու չենք բռնանում նրա ցանկությանը»,-ասաց նա։

Ինչպես Գայանեն, այնպես էլ Վաչեն առավել հաճախ նախընտրում են սև look-եր։  Հարցին, թե որքանով է սա ազդում փոքրիկի պահարանի գունավորման վրա, մայրիկը պատասխանեց. «Ինքս սևի սիրահար եմ, բայց երբեմն կրում եմ նաև այլ գույներ՝ կախված տրամադրությունից: Միայի համար նախընտրում եմ այն գույները, որոնք իրեն սազում են, ոչ միշտ է, որ դրանք իմ սիրած գույներն են։ Գույն ընտրելիս միշտ պետք է առաջնորդվել հենց այդ սկզբունքով` հասկանալ, թե որ գույնն է մաշկի և մազերի երանգի հետ ներդաշնակ: Օրինակ դստերս գույներն են` մուգ կապույտը, սպիտակը, մուգ կարմիրը և պաստելային երանգները»:

Գայանե Մանուկյան

Գայանեի խոսքով՝ աղջիկը ևս շատ է սիրում սևը, քանի որ իրեն հաճախ է տեսնում սև հագուստով։ Ինչպես շատ փոքրիկ աղջիկներ, Միան նույնպես անտարբեր չէ փայլերի հանդեպ:

Չնայած փոքրիկների նորաձևությունը մեծ մասսայականություն է վայելում, այն ոչ միանշանակ է ընդունվում։  Հարցին՝ որքանո՞վ է հնարավոր համատեղել նորաձևությունն ու փոքրիկի հարմարավետությունը, Գայանեն պատասխանեց․ «Հնարավոր է համատեղել նորաձևությունն ու հարմարավետությունը, սակայն ես հարմարավետը գերադասում եմ նորաձևից: Եթե անկեղծ լինեմ, մանկական նորաձևությանն առանձնապես չեմ հետևում։ Առհասարակ, մանկական հագուստը պետք է լինի պրակտիկ և հարմար խաղալու համար: Միշտ չէ, որ նորաձևը հարմարավետ է ակտիվ խաղերով հրապուրվող բալիկների համար: Նախընտրում եմ բնական կտորներ։ Միան մեծ մասմաբ հագնում է հարմար զգեստներ և, հատկապես, կոշիկներ»։

Գայանե Մանուկյան

Միան իր հագուստի ընտրության հարցում ներդրում ունենում է, իսկ ծնողներն այդ ընտրությունն անում են խնամքով․ «Միշտ փորձում եմ Միայի համար ընտրել հետաքրքիր պրինտերով շապիկներ, հաճախ` հումորային գրվածքներով: Ի դեպ, Միայի համար շատ օրիգինալ զգեստներ ընտրում է հենց Վաչեն: Ես էլ մի քանի անգամ ստեղծել եմ հագուստ նրա համար, մեծ մասամբ դրանք եղել են աքսեսուարներ և առօրյայի համար հարմարավետ զգեստներ»:

Աղբյուր՝ tert.am