Կիևյան կամրջից մի տղամարդ սպառնում է իրեն ցած նետել. նա բողոքում է, որ վարորդական իրավունք իրեն չեն տալիս

Կիևյան կամրջից մի տղամարդ սպառնում է իրեն ցած նետել. նա բողոքում է, որ վարորդական իրավունք իրեն չեն տալիս

Shamshyan.com-ը գրում է․ Այսօր՝ սեպտեմբերի 15-ին, արտակարգ դեպք է տեղի ունեցել Երևանում: Ժամը 20:15–ի սահմաններում Արտակարգ իրավիճակների նախարարության փրկարար ծառայության 911 և ՀՀ ոստիկանության օպերատիվ կառավարման կենտրոններ ահազանգ է ստացվել, որ մի քաղաքացի Կիևյան կամրջի վտանգավոր եզրագիծն անցել  ու սպառնում է իրեն ցած նետել:

Ինչպես հայտնում է ֆոտոլրագրող Գագիկ Շամշյանը, ժամանել են ԱԻՆ ՓԾ Երևանի թիվ 7 հրշեջ-փրկարարական ջոկատից 1 մարտական հաշվարկ և ԱԻՆ հոգեբանական աջակցության կենտրոնի հոգեբանը:

Օպերատիվորեն ժամանել են  նաև ՀՀ ոստիկանության պարեկային ծառայության Երևանի գնդի 1-ին գումարտակի 2-րդ վաշտի պարեկները ՝ գումարտակի հրամանատար Արամ Դադոյանի, վաշտի հրամանատար Գևորգ Թորոսյանի գլխավորությամբ:

Տարածքը սահմանազատել և ուժեղացված ծառայություն են կատարել նույն վաշտի պարեկներ Միշա Խաչատրյանն ու Ազատ Հակոբյանը: Օպերատիվորեն ժամանել է նաև 1-03 շտապօգնության բժիշկների հերթապահ խումբը:

Փրկարարները, փրկարար-հոգեբանը, պարեկներն ու 2 երիտասարդ տղաներ  բանակցություններ էին վարում այդ քաղաքացու հետ, որպեսզի նա չդիմի ծայրահեղ այդ քայլին:

Ի վերջո, պարեկներին հաջողվեց համոզել այդ տղամարդուն, ով այնուհետև վտանգավոր եզրագծից անցել է ապահով վայր և պարեկների ուղեկցությամբ տեղափոխվեց ոստիկանության Մաշտոցի բաժին:

Գ. Շամշյանի տեղեկություններով՝ նա բողոքում էր, որ իրեն վարորդական իրավունքի վկայական չեն տալիս: Դեպքի փաստով Հայաստանի քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժնում վարույթ է նախաձեռնվել:

Ոստիկանությունն ու քննչական բաժինը պարզում են տղամարդու ինքնությունը: