Խոշոր ավտովթար Գեղարքունիքի մարզում. բախվել են Opel-ն ու «Գազել»-ը․ հայրը և նրա 10-ամյա որդին տեղափոխվել են հիվանդանոց

Խոշոր ավտովթար Գեղարքունիքի մարզում. բախվել են Opel-ն ու «Գազել»-ը․ հայրը և նրա 10-ամյա որդին տեղափոխվել են հիվանդանոց

Shamshyan.com-ը գրում է․ Այսօր՝ հունվարի 14-ին, ավտովթար է տեղի ունեցել Գեղարքունիքի մարզում։Ժամը 15։45-ի սահմաններում Սևան քաղաքի Նաիրյան փողոցում բախվել են Գեղարքունիքի մարզի բնակիչ 64-ամյա Սարգիս Պ․-ի վարած բեռնատար «ԳԱԶել» մակնիշի և 42-ամյա Գևորգ Հ․-ի վարած Opel մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ի վարորդ Գևորգ Հ․-ն և վերջինիս ուղևոր Գեղարքունիքի մարզի բնակիչ 10-ամյա Սեյրան Հ․-ն մարմնական վնասվածքներով տեղափոխվել են «Սևան» բժշկական կենտրոն։

Վիրավորներին առաջինը օգնության են հասել քաղաքացիներն ու օպերատիվորեն ժամանած «Սևան» բժշկական կենտրոնի բժիշկների հերթապահ խումբը, ովքեր վիրավորներին մինչ հիվանդանոց տեղափոխելը տեղում առաջին բուժօգնությունն են ցուցաբերել։

Դեպքի վայր են ժամանել ՀՀ Ներքին գործերի նախարարության Ոստիկանության ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողներըդասակի հրամանատար Վաչագան Ոսկանյանի գլխավորությամբ։

Դեպքի վայր են ժամանել նաև ՀՀ ՆԳՆ Ոստիկանության Սևանի բաժնի պետ Սուրիկ Ջանիկյանն ու բաժնի պետի օպերատիվ գծով տեղակալ Կարեն Ավետիսյանը։

Վթարի մասին ՀՀ ՆԳՆ Ոստիկանության ճանապարհային ոստիկանության օպերատիվ կառավարման կենտրոնի պատասխանատու հերթապահ Միհրան Միրզոյանը տեղեկությունը փոխանցել է Հայաստանի քննչական կոմիտեի Գեղարքունիքի մարզային քննչական վարչության Սևանի քննչական բաժին, որտեղից ժամանել է քննչական խումբը բաժնի պետ Թորգոմ Չանդոյանի գլխավորությամբ։

Վթարի փաստով Սևանի քննչական բաժնում նախաձեռնվել է վարույթ։

Գ․ Շամշյանի տեղեկություններով վիրավորները հայր ու որդի են։