Իրանի ԱԳՆ հայտարարություն է տարածել

Իրանի ԱԳՆ հայտարարություն է տարածել

Իրանի արտաքին գործերի նախարարությունը մտահոգություն է հայտնել Հայաստանի եւ Ադրբեջանի սահմանին նոր էսկալացիայի կապակցությամբ եւ կոչ է արել երկու երկրներին զսպվածություն ցուցաբերել, հայտնում է Mehr-ը։

ԻԻՀ ԱԳՆ ներկայացուցիչ Սաիդ Խատիբզադեն ընդգծել է, որ երկու երկրներն էլ պետք է հարգեն միջազգայնորեն ճանաչված սահմանները, եւ կոչ է արել իրենց տարաձայնությունները լուծեն երկխոսության եւ խաղաղ միջոցներով։

Խատիբզադեն ներկա լարվածությունը վտանգավոր է որակել տարածաշրջանում խաղաղության եւ առաջընթացի հասնելու աստիճանական գործընթացի համար։ «Իրանի Իսլամական Հանրապետությունը, ինչպես նախկինում, պատրաստ է օգնել կողմերին վեճերը լուծելու եւ տարածաշրջանում կայունություն ու անվտանգություն հաստատելու հարցում»,- նշել է նա։