Իմամը կործանված ուղղաթիռում մեկ ժամ ողջ է եղել, կարողացել է հեռախոսային կապ հաստատել
Իրանի Թավրիզ քաղաքի Ջումա մզկիթի իմամ Սայեդ Մոհամմադ Ալի ալ-Հաշեմը, ով գտնվել է երկրի նախագահ Իբրահիմ Ռաիսիի կործանված ուղղաթիռում, աղետից հետո մեկ ժամ ողջ է եղել։
Այս մասին հայնտել է երկրի ճգնաժամային կառավարման ղեկավար Մոհամմադ Հասան Նամին։
«Միայն նրա մարմինն էր մյուս զոհերի համեմատությամբ ֆիզիկական նորմալ վիճակում։ Նա ամենաքիչն էր այրվել, ուստի ավիավթարից հետո ապրել է ևս մեկ ժամ, նույնիսկ հեռախոսով շփվել նախագահի աշխատակազմի ղեկավար Ղոլամ Հոսեյն Էսմայիլիի հետ»,- ասել է նա։
Մյուս զոհերի մարմիններն այրվել են։
