Իլհամ Ալիևը հայտարարել է Երևանի հետ բանակցելու Բաքվի պատրաստակամության մասին

Իլհամ Ալիևը հայտարարել է Երևանի հետ բանակցելու Բաքվի պատրաստակամության մասին

Ադրբեջանի նախագահ Իլհամ Ալիևը РБК-ին տված հարցազրույցում հայտարարել է Լեռնային Ղարաբաղի հարցով Երևանի հետ անհապաղ բանակցություններ սկսելու պատրաստակամության մասին:

«Մենք պատրաստ ենք սկսել վաղը, դրա համար ամեն ինչ կախված է ԵԱՀԿ Մինսկի խմբի գործողություններից, աշխատանքի ժամանակացույցից։ Մեր կողմը պատրաստ է անհապաղ սկսել», — ասել է նա։

Իլհամ Ալիև

Ալիևը, սակայն, նշել է, որ «ցանկացած պարագայում իրենք մինչև վերջ գնալու են»՝ հավելելով, որ Արցախի հարցում իրենց նպատակը շարունակում է նույնը մնալ:

Հայաստանում և Արցախում սեպտեմբերի 27-ին հայտարարվել է ռազմական դրություն։

Հոկտեմբերի 10-ից՝ ժամը 12:00-ից ուժի մեջ է մտել մարդասիրական հրադադար, սակայն ադրբեջանական զինուժը հրադադարից հետո դիվերսիոն գործողություն է իրականացրել։