Թմրանյութ պահելու և օգտագործելու կասկածանքով բերման է ենթարկվել Հանրային հեռուստաընկերության հաղորդավարը

Փետրվարի 16-ին՝ թմրանյութ պահելու և օգտագործելու կասկածանքով ոստիկանության կենտրոնական բաժին են բերման ենթարկվել Հանրային հեռուստաընկերության հաղորդավարն ու «Արտ դիզայն» ՍՊԸ ճարտարապետ դիզայները։ Այս մասին հայտնում է shamshyan.com-ը։

Ըստ աղբյուրի՝ Երևանի բնակիչներ, 35-ամյա Արման Մարգարյանն ու 32-ամյա Հովհաննես Վահրամյանը բերման են ենթարկվել Հյուսիսային պողոտայում գործող «Իբիս» հյուրանոցային համալիրի մոտից՝ թմրանյութ պահելու և օգտագործելու կասկածանքով:

Անձնական խուզարկությամբ Հ. Վահրամյանի մոտ հայտնաբերվել է պոլիէթիլենային տոպրակ, որի մեջ եղել է 1.7 գ կշռով դեղնականաչավուն զանգված և 1,5 գ ընդհանուր կշռով ապակե կաթոցիչ գլանակ, որի մեջ ևս եղել է դեղնականաչավուն զանգված:

Ոստիկանության կենտրոնական բաժնի հետաքննչական բաժանմունքում նյութեր են նախապատրաստվում: Հետաքննիչի որոշմամբ նշանակվել են դատաքիմիական, տոքսիկաքիմիական փորձաքննություններ:

Հաղորդավարն ու դիզայները բաց են թողնվել:

Հանրային հեռուստաընկերության հասարակայնության հետ կապերի բաժնից հայտնեցին, որ Արման Մարգարյանը 2018 թվականի սեպտեմբեր ամսից չի հանդիսանում Հանրային հեռուստաընկերության հաղորդավար:

Աղբյուր՝ shamshyan.com

Մեկնաբանել
Կիսվիր ընկերներիդ հետ
Loading...