Ես էլ եմ շատ կարոտել ձեզ ու ինտերնետի միջոցով ուղարկում եմ իմ ռեալ, ոչ ինտերնետային սերը․ Լիլիթ Հովհաննիսյան

Ես էլ եմ շատ կարոտել ձեզ ու ինտերնետի միջոցով ուղարկում եմ իմ ռեալ, ոչ ինտերնետային սերը․ Լիլիթ Հովհաննիսյան

Երգչուհի Լիլիթ Հովհաննիսյանը ֆեյսբուքյան իր էջում գրել է․

«Համացանցում երբեմնի շատ ակտիվ աղջիկն էլ հաճախ «ինտերնետ չի մտնում․

Պատճառներից մեկն այն է, որ սոցիալական ցանցերն ինձ հիմա առանձնապես չեն գրավում:

Չեմ սիրում դրանք, բայց գիտակցում եմ, որ հիմա ամեն բան այլ է՝ ոչ միայն հեռուստատեսությունը, մեծ խանութները, բորսաները կամ համալսարաններն են տեղափոխվել այստեղ, այլև մարդկանց զգացմունքներն ու ապրումները:

Լիլիթ Հովհաննիսյան

Արդեն մարդիկ իրարից հիասթափվում, իրար հետ կռվում-հաշտվում, իրար սիրում ու կարոտում են օնլայն: Շատերը նույնիսկ իրենց նեղ անձական կյանքն են էստեղ ի ցույց դնում (մարդն, իր սիրելիի կողքին լինելով, նրան սեր է խոստովանում Facebook-ում կամ Instagram-ում։ Գուցե դա էլ ի լուր աշխարհի սեփական զգացմունքները պատմելու մի տարբերակ է, ինչը ես գուցե հասկանում եմ, բայց միայն թե ոչ իմ դեպքում։

Այնուամենայնիվ, նախորդ հրապարակմանս տակ էնքան էիք գրել ինձ կարոտելու մասին, որ էլի շփոթվեցի, հուզվեցի, հալվեցի։

Ես էլ եմ շաաատ կարոտել ձեզ ու ինտերնետի միջոցով ուղարկում եմ իմ ռեալ, ոչ ինտերնետային սերը»: