Դատարանը մերժեց Արմեն Թավադյանին կալանավորելու միջնորդությունը

Դատարանը մերժեց Արմեն Թավադյանին կալանավորելու միջնորդությունը այսօր կայացած դատավարության ժամանակ։

Երևանի ընդհանուր իրավասության դատարանը որոշում կայացրեց՝ մերժել «5-րդ ալիք» հեռուստաընկերության սեփականատեր Արմեն Թավադյանի նկատմամբ կալանքը որպես խափանման միջոց ընտրելու քննիչը միջնորդությունը:

Արմեն Թավադյանի փաստաբան Նարեկ Ալոյանը լրագրողներին տեղեկացրեց, որ դատարանը մերժել է Թավադյանին կալանավորելու քննիչի միջնորդությունը. «Նա կմնա ազատության մեջ: Միջնորդությունն անհիմն էր»:

Հիշեցնենք, որ ՀՀ ոստիկանության քննչական գլխավոր վարչության Երեւան քաղաքի քննչական վարչության ծանր հանցագործությունների քննության բաժնի քննիչի կողմից մեղադրանք է առաջադրվել Արմեն Թավադյանին՝ քրեական օրենսգրքի 258-րդ հոդվածի 4-րդ մասով, այսինքն՝ խուլիգանություն, որը կատարվել է զենքի կամ որպես զենք օգտագործվող առարկայի գործադրմամբ:

Տվյալ դեպքում, վարույթը իրականացնող մարմինը, որպես զենք օգտագործվող առարկա է գնահատել ջրի շիշը: