Գերմանիան կարող է արգելել վերջիններիս մուտքը երկիր և սառեցնել բանկերում իրենց ունեցվածքը. Գերմանիայի Բունդեսթագի պատգամավոր (Տեսանյութ)

Գերմանիան կարող է արգելել վերջիններիս մուտքը երկիր և սառեցնել բանկերում իրենց ունեցվածքը. Գերմանիայի Բունդեսթագի պատգամավոր (Տեսանյութ)

Այս մասին Գերմանիայի Բունդեսթագի պատգամավոր Շտեֆեն Կոտրեն ասաց Ստեփանակերտում հոկտեմբերի 18-ին տեղի ունեցած մամուլի ասուլիսի ընթացքում:

«Գերմանական մամուլն արդար ձևով չի ներկայացնում այս պատերազմը, այդ պատճառով կարևոր էր, որ մենք գայինք այստեղ և մեր աչքերով տեսնեինք իրականությունը:

Շուշիի Սուրբ Ղազանչեցոց եկեղեցի

Մենք եղել ենք Շուշի քաղաքում ու տեսել, որ Ադրբեջանը թիրախավորել է եկեղեցին: Այսօր Ստեփանակերտում մեր աչքով տեսել ենք, որ բնակելի շենքերն են հրթիռակոծվել, որոնց մոտակայքում որևէ ռազմական տեխնիկա կամ օբյեկտ չի եղել:

Մենք արձանագրել ենք, որ Ադրբեջանը այս ամենը անում է Թուրքիայի օգնությամբ, ինչը մեծ հանցագործություն է մարդկության դեմ»,- ասաց պատգամավորը:

Շտեֆեն Կոտրեն նշեց, որ իրենք աշխարհի խորհրդարաններին կոչ են անում խոսքից անցնել կոնկրետ գործողությունների:

«Պետք է պատժամիջոցներ կիրառվեն Ադրբեջանի ու Թուրքիայի դեմ, որ այս պատերազմը շուտ վերջանա: Խաղաղություն սիրող յուրաքանչյուր կազմակերպություն հիմա պետք է ձայն բարձրացնի ընդդեմ Ադրբեջանի»,- նշեց Կոտրեն:

Տեսանյութը ստորև