Բունտ՝ ի պաշտպանություն «զոն նայողների». արտոնյալ սենյակներից չեն ուզում դուրս գալ․ «Ժողովուրդ»

«Ժողովուրդ» թերթը գրում է. «Բունտ՝ ի պաշտպանություն «զոն նայողների». արտոնյալ սենյակներից չեն ուզում դուրս գալ։ Ինչպես հայտնի է, սեպտեմբերի 5-ին «Նուբարաշեն» ՔԿՀ-ում անկարգություններ են եղել: Դա տեղի ունեցավ այն բանից հետո, երբ կառավարությունը հայտարարեց, որ նախաձեռնել է օրինագիծ, որը միտված է քրեականացնել քրեական ենթամշակույթ կրողների գործողությունները:

Դրա համար կալանավորները որոշել են անել բունտ՝ ի պաշտպանություն «զոն նայողների», որպեսզի նրանց տեղահան չանեն արտոնյալ սենյակներից: Եվ ահա, երեկ այնտեղ էին այցելել ԱԺ «Լուսավոր Հայաստան» խմբակցության պատգամավոր Անի Սամսոնյանն ու Ռուբիկ Ստեփանյանը: Վերջինը նախկինում եղել է «Նուբարաշեն» ՔԿՀ պետ:

«Իրավիճակը տիրապետելի է, քանի որ, նախ, քանակն է կրճատվել: Ներկայիս ՔԿՀ պետը վստահ էր խոսում եւ ասաց, որ իրավիճակը վերահսկելի է եւ իրենց ձեռքերում է: Ինձ թվում է՝ նոր օրենքը երբ շրջանառության մեջ դրվեց, բոլորն էլ պետք է ենթարկվեն»,- «Ժողովուրդ» օրաթերթի հետ զրույցում նշեց Ստեփանյանը»:

Առավել մանրամասն՝ թերթի այսօրվա համարում։