Բերման են ենթարկել Արթուր Վանեցյանի որդուն (Տեսանյութ)

Բերման են ենթարկել Արթուր Վանեցյանի որդուն (Տեսանյութ)

Խաղաղ անհնազանդության միջոցառումները հանրապետության ողջ տարածքում շարունակվում են։ Տեղի են ունենում տարբեր բողոքի ակցիաներ, փակվում են փողոցներ տարբեր նախաձեռնությունների կողմից։

Ոստիկանները, դիմելով երիտասարդներին, հորդորեցին չփակել փողոցը, ինչի ի պատասխան` նրանք ասացին, որ «ուզում են ազատագրել Հայաստանը` Նիկոլ Փաշինյանից»: «Դուք ծառայում եք թուրքական իշխանություններին»,- դիմելով ավագ լեյտենանտին` նշեցին ցուցարարները: «Ես ազատագրված եմ, դուք ձեզ ազատագրեք»,- ասաց ոստիկանը:

Իրավիճակը լարվեց, ոստիկանները, բիրտ ուժ կիրառելով, բերման ենթարկեցին փողոցը փակած քաղաքացիներին:

Քիչ առաջ բերման ենթարկվեցին նաեւ Վանեցյանի աջակիցները, որոնք նույնպես փողոց էին փակել։ Բերման ենթարկվածների թվում է նաեւ Վանեցյանի որդին։

Տեսանյութը ստորև