Արցախի Ճարտար քաղաքի գերեվարված բնակիչը սպանվել է

Արցախի Ճարտար քաղաքի գերեվարված բնակիչը սպանվել է

Այս մասին Bavnews.am-ը տեղեկացավ ԱՀ ՄԻՊ Գեղամ Ստեփանյանից։

«Այսօր Ճարտար քաղաքի 65-ամյա բնակիչ Սեյրան Սարգսյանը մոլորվել և հայտնվել էր Ադրբեջանի ԶՈՒ վերահսկողության տակ։

Քաղաքացին զբաղվում էր անասնապահությամբ: Արդեն իսկ ճշտված տեղեկություններով ադրբեջանցիները սպանել են Արցախի խաղաղ բնակչին:

Սպանությունը Ադրբեջանի հանցավոր և ահաբեկչական գործողությունների, ինչպես նաև հայերի նկատմամբ լայնածավալ և համակարգային հետապնդման քաղաքականության դրսևորում է:

Խաղաղ բնակավայրերի մոտակայքում Ադրբեջանի մարտական հենակետերն ուղիղ և անհերքելի սպառնալիք են Արցախի խաղաղ բնակչության կյանքի իրավունքի և ֆիզիկական ու հոգեբանական անձեռնմխելիության համար»: