Արտակարգ դեպք Երևանում. BMW-ի 33-ամյա վարորդը հայտնել է, որ Երևանի գնդի պարեկներից մեկը բերման ենթարկելիս թքել է իր ուղղությամբ

Արտակարգ դեպք Երևանում. BMW-ի 33-ամյա վարորդը հայտնել է, որ Երևանի գնդի պարեկներից մեկը բերման ենթարկելիս թքել է իր ուղղությամբ

Shamshyan.com-ը հայտնում է, որ ոստիկանության Կենտրոնական բաժնում նյութեր են նախապատրաստվում Երևանի բնակիչ, 33-ամյա Էդգար Բաբայանի դիմումի փաստով:

Ինչպես հայտնում է ֆոտոլրագրող Գագիկ Շամշյանը, վերջինս հայտնել է, որ ապրիլի 15-ին Մոսկովյան և Տերյան փողոցների խաչմերուկից իրեն ծանր վիրավորանք հասցնելու կասկածանքով բերման են ենթարկել, որի ժամանակ ՀՀ ոստիկանության Պարեկային ծառայության Երևանի գնդի պարեկներից մեկը՝ անցնելով իր լիազորությունները, թքել է իր ուղղությամբ, և բերման ենթարկելու ժամանակ ձեռնաշղթա կիրառելիս, դաստակների հատվածում պատճառել է վնասվածք:

Գ. Շամշյանի տեղեկություններով, Է. Բաբայանին Պարեկային ծառայության Երևանի գնդի 3-րդ գումարտակի 2-րդ վաշտի պարեկները, այդ օրը՝ ժամը 13:40-ի սդահմաններում, Մոսկովյան և Տերյան փողոցների խաչմերուկում կանգնեցրել են Է. Բաբայանին, ով եղել է BMW մակնիշի ավտոմեքենայով, ինչից հետո, ըստ պարեկների, նա սեռական բնույթի հայհոյանքներ է հնչեցրել իրենց հասցեին:

Է. Բաբայանը բաց է թողնվել: