«Ամո՛թ է, պարոն վարչապետ, հայոց պատմություն կարդա»․ Էդուարդ Շարմազանով

«Ամո՛թ է, պարոն վարչապետ, հայոց պատմություն կարդա», – այս մասին իր ֆեյսբուքյան էջում գրառում է կատարել ՀՀԿ մամուլի խոսնակ, նախկին ԱԺ փոխնախագահ Էդուարդ Շարմազանովը։

«Ամո՛թ է, պարոն վարչապետ, հայոց պատմություն կարդա։

Նիկոլն անտանելի է դառնում և խայտառակում «Ռեսպուբլիկան»։

Ռուս լրագրողի հարցին ի պատասխան նշել է,թե Նժդեհի անունը մեր պատմության մեջ հայտնվել է սկսած Սարդարապատի ճակատամարտից։

Ամո՛թ է, ամոթ։

Ասեմ իմացիր, պարոն վարչապետ։

Նժդեհը դեռ 1912-ին մասնակցել է Բալկանյան պատերազմին թուրքերի դեմ, որպես Հայկական կամավորական վաշտի հրամանատար՝ Անդրանիկի հետ միասին։

Իսկ 1914թ-ին Գարեգին Նժդեհը մասնակցել է Առաջին աշխարհամարտին՝ որպես Հայկական երկրորդ կամավորական գնդի փոխհրամանատար, հրամանատարն էր Դրոն, ինչի համար Ցարական Ռուսաստանը նրան պարգևատրել է բարձրագույն շքանշաներից մեկով՝ «Գեորգիևյան խաչով»։

Ինչ վերաբերվում է Սարդարապատի ճակատամարտին, ապա Նժդեհը Սարդարապատի ճակատամարտին չի մասնակցել: Փոխարենը մասնակցել և եղել է Ղարաքիլիսայի հերոսական ճակատամարտի ղեկավարներից մեկը։

Խոսելուց առաջ լավ կլիներ սովորել սեփական ազգի պատմությունը։

Հ.Գ. Սա ևս մեկ պատճառ է, որպեսզի բուհերում Հայոց պատմության դասավանդումը լինի պարտադիր»: