ԱՄՆ-ի նախագահի դուստրն անցկացրել է գիտական փորձարկում ու ենթարկվել ահավոր քննադատության

ԱՄՆ-ի նախագահի դուստրն Իվանկա Թրամփը սոցցանցերում ենթարկվել է չափազանց սուր քննադատության, երբ հրապարակվել են լաբորատորիայում արված նրա լուսանկարները:

Դոնալդ Թրամփի դուստրը սպիտակ խալաթով իրականացրել է փորձարկում՝ ստուգելով էլեկտրոնային ծխախոտի հեղուկում առկա նիկոտինի չափաբաժինը:

Օգտատերերը մեղադրել են նրան դիլետանտության համար: Նրանց կարծիքով՝ անհարժեշտ որակավորում և գիտելիքներ չունեցող անձը չպետք է ներկայանա որպես հետազոտություններ անող գիտաշխատող:

Իվանկային մեղադրել են նաև ԱՄՆ-ի նախագահի օգնականի պաշտոնում թերանալու և լիազորությունները չկատարելու համար: