Ալեն Սիմոնյանը հայտարարություն է տարածել

Ալեն Սիմոնյանը հայտարարություն է տարածել

ԱԺ նախագահ Ալեն Սիմոնյանը ֆեյսբուքյան իր էջում գրել է.

«Խստորեն դատապարտում եմ ԱԺ նիստերի դահլիճում տեղի ունեցած բռնությունը։ Բռնությունն անընդունելի է և արդարացում չունի: Ազգային ժողովն այն վայրը չէ, որտեղ բռնություն պետք է կիրառվի։

Նշեմ, որ նիստերի դահլիճում միջադեպերի կրկնման դեպքերում լրագրողներին նախատեսված օթյակից չհեռացնելու վերաբերյալ հարցը քննարկման ընթացքում է և ամենայն հավանականությամբ վերանայման ենթակա է:

Որոշակի լուծումներ ենք գտնելու այդ իրավիճակներից խուսափելու համար: Բայց նաև չմոռանանք, որ միջազգային պրակտիկայում սովորաբար նման դեպքերում կադրը փոխում են՝ հարգելով անձանց արժանապատվությունն ու բարի համբավը:

Ճեպազրույցին պատասխանել եմ լրագրողների հարցերին»: