«Ադեկվադ»-ի անդամներին Գորիսի ոստիկանությունից ազատ են արձակել

«Ադեկվադ» -ի անդամներին Գորիսի ոստիկանությունից ազատ են արձակել, այս մասին Bavnews.am-ը տեղեկանում է «Ադեկվադ» ՀԿ-ի ֆեյսբուքյան էջից։

Հիշեցնենք, որ «Ադեկվադ»-ի անդամները հրավիրվել էին Գորիսի ոստիկանություն։ Նրանք ուղևորվել էին Սյունիքի մարզ՝ հանդիպում անցկացնելու համակիրների և աջակիցների հետ։

«Հարգելի աջակիցներ

2․5 ժամ ոստիկանության բաժանմունքում գտնվելուց հետո բոլոր բերման ենթարկվածները ազատ են արձակվել։

Ինչպես պարզվեց, ոստիկանությունը գործել է ինչ-որ ահազանգի հետքերով, ահազանգողը տեղեկացրել է, որ նկատել է մեքենայով ընթացող “մորուքով և սև շապիկներով անձանց”, ինչն էլ հանդիսացել է ոստիկանական գործողությունների հիմք։

Ցավում ենք, որ իշխանությունների ապիկար կառավարման և խուճապային հրահանգավորումների հետևանքով այնպիսի լուրջ կառույցի աշխատանքը, ինչպիսինն է Ոստիկանությունը, զավեշտի է վերածվում, և վարկաբեկվում իրավապահ մարմինների համբավն ու գործառույթները։

Շնորհակալ ենք աջակիցներին և ԶԼՄ-ներին ուշադրության համար»։