Մամուլ

Իմ առաջին աշխատավարձով օգնել եմ ծնողներիս, նաև ջինս եմ գնել․ Արմեն Աշոտյան

Իմ առաջին աշխատավարձով օգնել եմ ծնողներիս, նաև ջինս եմ գնել։ Արմեն Աշոտյանը Աշխատանքի օրվա առիթով վերհիշել է իր աշխատանքային ուղին և ֆեյսբույքնա էջում գրառում կատարել։

«Առաջին անգամ աշխատել և գումար եմ վաստակել 9-րդ դասարանում, երբ Հայաստանում կոշիկի արտադրության զարթոնք էր, 90-ականների սկզբին: Իմ առաջին աշխատավարձով օգնել եմ ծնողներիս, նաև ջինս եմ գնել:

Հետո տարբեր առարկաներ եմ պարապել մեր հարևանների երեխաների հետ, սցենարներ գրել դպրոցների համար: Ինչպես ամեն ուսանող, ուզում էի օգտակար լինել ծնողներիս դժվար ժամանակներում` փորձելով և սովորել, և աշխատել:

Հետո` բժշկական համալսարան… Ազգային ժողով… Կառավարություն… Նորից Ազգային Ժողով…. ԼՈՒՅՍ հիմնադրամ…

Ասածս պարզ է` յուրաքանչյուր ճանապարհ սկսվում է առաջին քայլից: Այդ ճանապարհին հարկավոր է համառ լինել, չընկրկել, ոչ միայն պարզապես աշխատել, այլ աշխատել սեփական գիտելիքները, ունակությունները, իմացության պաշարը հարստացնելու համար:

Շնորհավոր տոնդ, իմ աշխատասեր և աշխատավոր Ժողովուրդ»:

Կիսվել նյութով