Դուք միանգամայն նորմալ համարեցիք պետական միջոցները՝ ինքնապարգևատրումներով մսխելը. Լուսինե Հարոյան
Լուսինե Հարոյանի ֆեյսբուքյան գրառումը.
Արդեն որերորդ ուսուցիչն է ինձ դիմում, որ դեռ չեն ստացել հունվար ամսվա աշխատավարձը
Պարոն Փաշինյան, ինչու՞ ոչ բոլոր դպրոցներին են բաժանել հունվար ամսվա աշխատավարձը, ավելի ճիշտ՝գրոշները: Բյոջեում փող չկա՞: Բայց այդ նույն բյուջեում, պարզվեց, հսկայական միջոցներ կային 2 ամիս աշխատածների 13~րդ աշխատավարձի, քարտուղարուհիների պարգևատրման, պաշտոնյաների ինքնապարգևատրման համար:
Եվ դուք միանգամայն նորմալ համարեցիք պետական միջոցների նման մսխումը, որը սոցիալական աղաղակող անարդարության ևս մեկ դրսևորում էր և որը դուք արդարացրիք` աչք փակելով անգամ օրենքի խախտման վրա:
Ինչպե՞ս բացատրել այս խայտառակ վերաբերմունքը երկրի համար կարևորագույն ոլորտի հանդեպ: Սրանում է՞լ է նախկին իշխանությունը մեղավոր, թե՞ իներցիայով է, թե՞ օրենքի շրջանակում է ամեն ինչ:
Ուսուցչի և կրթության հանդեպ նման վերաբերմունքը ուղիղ ճանապարհ է դեպի ազգի դեգրադացում և երկրի կործանում:
Երբ Ճապոնիայի վարչապետին հարցրին, թե ինչու՞մն է ճապոնական հաջողության գաղտնիքը, նա պատասխանեց. «Մենք ուսուցչին տվել ենք կայսեր չափ պաշտամունք, պատգամավորի չափ աշխատավարձ, նախարարի չափ լիազորություն»:
