Օգտակար

Արքայանարնջի բուժական հատկությունները և ինչ առողջական խնդիրների դեպքում է այն օգտագործվում

Արքայանարնջի բուժական հատկությունները և ինչ առողջական խնդիրների դեպքում է այն օգտագործվում

Bavnews.am-ը ձեզ է ներկայացնում արքայանարնջի օգտակար հատկությունները։ Արևելյան մի այսպիսի ասացվածք կա՝ օրական մեկ արքայանարինջ և բժիշկ պետք չի գա: Արքայանարինջը ոչ միայն համեղ է և սննդարար, այլև շատ օգտակար: Արքայանարինջը ամբողջ աշխարհում համարվում է դիետիկ սնունդ:

Շաքարային դիաբետի ժամանակ խորհուրդ չի տրվում օգտագործել արքայանարինջ:

Արքայանարինջը կրկնակի անգամ ավելի շատ է պարունակաում սննդային թելիկներ, քան խնձորը և այնպիսի միկրոտարրրեր, ինչպիսիք են՝ կալիումը, կալցիումը, մագնեզիումը, ֆոսֆորը, երկաթը:

Այն պարունակում է հակաօքսիդանտներ, ածխաջրատներ, օրգանական թթուներ, վիտամին A, C և P, և այլն: Արքայանարնջի պարունակության մեջ մտնող պեկտինային նյութերն այն դարձնում են բուժիչ նշանակություն ունեցող պտուղ քրոնիկ ստամոքսաբորբերի, լեղապարկի բորբոքումների, դիսբակտերիոզի ժամանակ:

Արքայանարնջի

Ժողովրդական բժշկության մեջ արքայանարինջը կիրառվում է տարբեր առողջական խնդիրների դեպքում՝ ինչպիսին են հարբուխը, անգինան, փորլուծությունը, թոքաբորբը, հաստ աղիքի բորբոքումը, թարախային վերքերը, չիբանը, մատնաշունչը և այլն:

Անգինա, հարբուխ

Քամել 1 արքայանարնջի հյութը, ավելացնել 1/4 բաժակ եռացրած, գոլացրած ջուր: Ստացված լուծույթով ողողել կոկորդը՝ օրական 3-4 անգամ:

Փորլուծություն

Այս դեպքում 6 հատ չհասունացած արքայանարինջը կտրտել շերտերով, վրան լցնել 1լ եռման ջուր, թողնել մնա 30 րոպե, քամել: Թուրմը խմել 2 ժամը մեկ, կես բաժակ:

Թոքաբորբ

Վերցնել 2 ճ/գ  արքայանարնջի բոված և աղացած կուտ, խառնել 3 հատ արքայանարնջի պտղամսի հետ: Օգտագարոծել 1 ճ/գ-ից, առավոտյան սոված փորին՝ տաք կարմիր գինու հետ: Այս միջոցը ժողովրդական բժշկությունն առաջարկում է նաև հաստ աղիքի հետ խնդիրներ ունեցողներին:

Թարախային վերքերի, չիբանի և մատնաշունչ դեպքում արքայանարնջի պտղամիսը միջից հանել, իսկ կեղևը կապել հիվանդ մասին, իսկ վրայից փաթաթել վիրակապով: Փոխել օրական 2 անգամ:

Կոսմետոլոգիայում

Այս հատապտուղը լայնորեն կիրառվում է ակնեի կամ լայնացած ծակոտիների դեմ պայքարելու համար: Դրա համար անհրաժեշտ է մեկ պտղի պտղամիսը խառնել ձվի դեղնուցի հետ: Ստացված խյուսը քսել դեմքին և թողնել 30 րոպե: Այնուհետև լվանալ դեմքը գոլ ջրով:

Յուղոտ մաշկի համար կարելի է պատրաստել դիմակ ձվի փրփրացրած սպիտակուցից և արքայանարնջի տրորած պտղամսից: Անհրաժեշտ է ավելացնել ալոեի և չիչխանի հյութ՝ 1-ական ճաշի գդալ, մեղր և մեկ թեյի գդալ գլիցերին: Դիմակը քսում են դեմքին և պարանոցի հատվածին ու թողնում 15 րոպե: Լվանալուց հետո դեմքին խոնավցնող քսուկ քսել:

Իմանալով արքայանարնջի օգտակար ու բուժիչ հատկությունների մասին՝ բաց մի թողեք զարմանահրաշ միրգը համտեսելու ուտելու իսկական պահը:

Կիսվել նյութով