Փաշինյանն ու Մեդվեդևը երևանյան ակումբներից մեկում պարել են և փախլավա կերել

ՀՀ վարչապետ Նիկոլ Փաշինյանը և ՌԴ վարչապետ Դմիտրի Մեդվեդևը երեկ՝ ապրիլի 29-ի երեկոյան՝ ժամը 22:00-ին այցելել են  երևանյան ակումբներից մեկը՝ Club 12։

NEWS.am-ի հետ զրույցում Club 12-ի սեփականատեր Նարեկ Մանուկյանը պատմեց, որ բարձրաստիճան պաշտոնյաները պատվիրել են «դեսերտ», կերել են փախլավա, և պարել հայտնի փոփ երգերից մեկի քավեր տարբերակի տակ։

«Նախապես սեղան պատվիրված չի եղել, եկել են պատահական: Սրճարանում մնացել են մոտավորապես 2 ժամ: Բավականին հավանել էին «Project 12»-ի երգերը, անգամ պարեցին:

Շատ բարի և դրական մթնոլորտ էր: Հասարակ վիճակ էր: Հագնված էին ոչ պաշտոնական»,- պատմեց Մանուկյանը: