Սահակ Հովհաննիսյանը՝ պատանեկան օլիմպիական խաղերի բրոնզե մեդալակիր

Բուենոս Այրեսում ընթացող պատանեկան օլիմպիական խաղերի շրջանակներում պայքարի մեջ մտած հունահռոմեական ոճի ըմբիշ 60 կգ քաշային Սահակ Հովհաննիսյանը նվաճեց պատանեկան օլիմպիական խաղերի բրոնզե մեդալ։

Սահակը նախ 10։0 հաշվով ջախջախեց Ալժիրը ներկայացնող Ահմեդ Մերիխիին, հետո 1։3 հաշվով պարտվեց Վրաստանի ներկայացուցիչ Գեորգի Չխիկվաձեին։ Բրոնզե մեդալի համար պայքարում Հովհաննիսյանը հաղթեց Մեքսիկան ներկայացնող Միգել Ուգալդե Ագիլյարին։