Ռուսական սպեցնազը կանխել է Վոլգոգրադում, Մոսկվայում, Սանկտ Պետերբուրգում ահաբեկչությունները

Ռուսական սպեցնազը կանխել է Վոլգոգրադում, Մոսկվայում, Սանկտ Պետերբուրգում ահաբեկչությունները

ՌԴ Անվտանգության դաշնային ծառայությունը Վոլգոգրադում կանխել է «Քաթիբա Թաուհիդ վալ-Ջիհադ»-ից միջազգային ահաբեկչական բջիջների գործունեությունը:

Նրա անդամները՝ ծնդունդով Կենտրոնաասիական տարածաշրջանից, քաղաքում ահաբեկչություններ են ծրագրել:

«Ձերբակալության ժամանակ պարագլուխն ու նրա համախոհը, ովքեր փորձել են Վոլգոգրադում նախապես սարքավորված պահոցից միջոցներ դուրս բերել, զինված դիմադրություն են ցուցաբերել, սակայն արդյունքում ոչնչացվել են»,-հայտնել են գերատեսչության հասարակայության հետ կապերի կենտրոնում, հաղորդում է «ՌԻԱ Նովոստի»-ն:

սպեցնազ

Խուզարկության ժամանակ ուժայիններն առգրավել են հրազեն, զինամթերք, քիմիական բաղադրիչներ, ինքնաշեն պայթուցիկ սարքեր, ինչպես նաեւ կրոնական բնույթի գրականություն եւ Վոլգոգրադի քարտեզը, որի վրա նշված են եղել վայրերը, որտեղ ահաբեկչություններ էին ծրագրվում:

Ահաբեկչությունների նախապատրաստումը համակարգվել է Սիրիայից, իսլամիստները մտադիր են եղել պայթեցնել իշխանության մարմինների շենքերը, զինվորականների հանրակացարանը, վտանգավոր արտադրություններ եւ Մայր-հայրենքի արձանը:

Ձերբակալություններ են իրականացվել Մոսկվայում, Սանկտ Պետերբուրգում, Ուֆայում եւ Մայկոպում:

Ինչպես հունիսի կեսերին հայտարարել է ԱԴԾ տնօրեն Ալեքսանդր Բորտնիկովը, վերջին 10 տարում Ռուսաստանում կանխվել է 160 ահաբեկչություն, 2019-ին՝ 43, 2020-ին՝ ավելի քան 20: