Հրաձգություն Չիկագոյի դպրոցի մոտ. զոհվել է երկու աշակերտ, կան վիրավորներ

Հրաձգություն Չիկագոյի դպրոցի մոտ. զոհվել է երկու աշակերտ, կան վիրավորներ

14 եւ 15 տարեկան երկու դպրոցականներ զոհվել են, եւս երկու դեռահասներ վնասվածքներ են ստացել ուրբաթ կեսօրին Չիկագոյի Վեսթ Սայդ շրջանի միջնակարգ դպրոցի մոտ տեղի ունեցած հրաձգության հետեւանքով, հաղորդում է AP-ը։

Չիկագոյի հրշեջ ծառայության ներկայացուցիչները հայտնել են, որ չորս դեռահասներ գնդակահարվել են Բենիտո Հուարեսի ավագ դպրոցի մոտ: Չիկագոյի ոստիկանության տեսուչ Դեւիդ Բրաունը հաստատել է երկու զոհերի մասին լուրը։

Ոստիկանությունը հայտարարել է, որ կրակոցներից հետո կասկածյալներից ոչ մեկը չի ձերբակալվել կամ ճանաչվել: Նրանք դիտել են տեսախցիկների ձայնագրությունները, սակայն չեն կարողացել պարզել, թե որտեղից է եկել հրաձիգը։

15-ամյա դեռահասը, որը գլխի շրջանում մահացու հրազենային վնասվածք է ստացել, ճանաչվել է որպես Բրենդոն Պերեզ:   

14-ամյա դեռահասը նույնպես վիրավորվել է գլխի շրջանում եւ տեղափոխվել տեղի հիվանդանոց, որտեղ բժիշկներն արձանագրել են նրա մահը:

15-ամյա աղջիկը ազդրի վնասվածք է ստացել, իսկ մեկ այլ 15-ամյա դեռահաս վիրավորում է ստացել ուսի  եւ ազդրի հատվածում։ Երկուսն էլ տեղափոխվել են տեղի հիվանդանոցներ, նրանց վիճակը գնահատվում է բավարար։

Տեսուչի խոսքով՝ կասկածներ կան, որ հրաձգությունը կապված է ավազակախմբերի միջեւ կոնֆլիկտի հետ։