Կաթողիկոսի ու նախագահների հանդիպումն ավարտվեց․ մանրամասներ

Կաթողիկոսի ու նախագահների հանդիպումն ավարտվեց․ մանրամասներ

Սեպտեմբերի 22-ին, հրավերով Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի, Մայր Աթոռ Սուրբ Էջմիածնում տեղի է ունեցել հանդիպում՝ մասնակցությամբ Հայաստանի Հանրապետության նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի և Լեռնային Ղարաբաղի Հանրապետության նախագահներ Արկադի Ղուկասյանի և Բակո Սահակյանի:

Հայաստանում ստեղծված իրավիճակի առնչությամբ տեղի է ունեցել շահագրգիռ քննարկում։ Որոշում է ընդունվել շարունակել հանդիպումները։

Ավելի վաղ հայտնել էինք, որ այսօր Մայր Աթոռ Սուրբ Էջմիածնում կհանդիպեն Ամենայն Հայոց Կաթողիկոս Գարեգին Երկրորդը, ՀՀ առաջին նախագահ Լևոն Տեր-Պետրոսյանը, ՀՀ երկրորդ նախագահ Ռոբերտ Քոչարյանը և ՀՀ երրորդ նախագահ Սերժ Սարգսյանը: