Թուրքիայում նշել են պայմանը, որով Ղրիմը կճանաչեն Ռուսաստանի մաս

Թուրքիայում նշել են պայմանը, որով Ղրիմը կճանաչեն Ռուսաստանի մաս

Ռուսաստանն ու Թուրքիան կկարողանան պայմանավորվել Ղրիմի կարգավիճակի հարցում, եթե Մոսկվան որպես անկախ պետություն ճանաչի Հյուսիսային Կիպրոսի Թուրքական Հանրապետությունը (ՀԿԹՀ). այս մասին Лента-ի հետ զրույցում ասել է Մալթեփե համալսարանի պրոֆեսոր Հասան Ունալը։

Նա կոչ է արել Ռուսաստանին դառնալ ՀԿԹՀ-ի ճանաչման շարժման առաջատարը, քանի որ միավորման դեպքում Կիպրոսը կարող է անդամակցել ՆԱՏՕ-ին, ինչը չի համապատասխանում Մոսկվայի շահերին:

«Պարտադիր չէ, որ Ռուսաստանը միանգամից ճանաչի հանրապետությունը. բավական է չխանգարել, որ դա անեն մյուս երկրները»,- պարզաբանել է Ունալը:

Նրա խոսքով՝ այդ դեպքում Թուրքիան կհրաժարվի Ղրիմն Ուկրաինայի տարածք ճանաչելու մասին հայտարարություններից, իսկ տեղական ավիաընկերությունները կվերսկսեն ուղիղ չվերթները դեպի թերակղզի: