Գյումրիում ամփոփվել են 51 ընտրատեղամասերի արդյունքները

Գյումրիում ամփոփվել են 51 ընտրատեղամասերի արդյունքները

Գյումրիի 51 ընտրատեղամասերից ստացված տվյալների համաձայն, ըստ նախնական տվյալների, առաջատարը «Բալասանյան» դաշինքն է՝ 36,64 տոկոսով։ Իշխող «Քաղաքացիական պայմանագիրն» ստացել է ընտրողների 29.09 տոկոսը։

Երրորդ տեղում «Զարթոնքն» է՝ 11,72 տոկոսով։ Ամենաքիչ ձայներն ստացել է «Արժանապատիվ ուղի» կուսակցությունը։ Գյումրու քաղաքապետի պաշտոնի համար պայքարում էր 10 քաղաքական ուժ։

Նշենք, որ Գյումրիում ընտրելու իրավունք ուներ շուրջ 125 հազար քաղաքացի, այնինչ ընտրություններին մասնակցել է 26 հազար 417 քաղաքացի կամ ընտրելու իրավունք ունեցողների 24,14 %-ը։