Օգտակար

5 խորհուրդ գինեկոլոգից, որոնց պետք է հետևի յուրաքանչյուր կին

5 խորհուրդ գինեկոլոգից, որոնց պետք է հետևի յուրաքանչյուր կին

Tert.am Medicine կայքը գրում է. Կանանց առողջությունը ոչ միայն շատ կարևոր է, այլև փխրուն:

Այն շատ դժվար է պահպանել, սակայն հենց կնոջ բարեկեցությունից է շատ հարցերում կախված ամբողջ ընտանիքի բարօրությունը:

1. Հարկավոր է պարբերաբար այցելել գինեկոլոգին

Շատերը կարծում են, որ ցավի բացակայության դեպքում բժշկին այցելելն անիմաստ է, սակայն սա շատ սխալ կարծիք է:

Հարկավոր է տարվա ընթացքում առնվազն մեկ անգամ խորհրդակցել բժշկի հետ՝ նույնիսկ լավ ինքնազգացողության դեպքում:

Հարկ է հիշել, որ հիվանդությունը շատ ավելի հեշտ է կանխարգելելը, քան այն բուժելը՝ հատկապես, եթե խոսքը կանանց հիվանդությունների մասին է:

Միայն տհաճ զգացողությունների ժամանակ գինեկոլոգին դիմելու դեպքում կարելի է կորցնել բուժման համար անհրաժեշտ ժամանակը:

Համարվում է, որ 18 տարեկանից սկսած հարկավոր է պարբերաբար այցելել գինեկոլոգին, սակայն այսօր երիտասարդները հաճախ շատ ավելի վաղ տարիքում են սկսում սելական կյանք վարել, ուստի գինեկոլոգին այցելելու ճիշտ ժամանակը կախված է միայն մարդուց:

Բժիշկի մոտ կարելի է ճիշտ խորհուրդներ ստանալ և ստուգել առողջական վիճակը: Պրոֆիլակտիկ ստուգումը ցանկալի է անցկացնել դաշտանային ցիկլի մեջտեղում:

2. Հարկավոր է ուշադրություն դարձնել արտադրությանը

Սեռական օրգաններից նկատվող արտադրությունը մշտապես առկա է յուրաքանչյուր կնոջ կյանքում, սակայն ամեն ինչ կախված է այդ արտադրության բնույթից, որը կարող է փոխվել ինչպես դաշտանային ցիկլի տարբեր փուլերում, այնպես էլ որևէ հիվանդության դեպքում:

Օրինակ՝ սպիտակ կաթնաշոռային արտադրությունն ու ուժեղ քորը խոսում են սնկային հիվանդության մասին:

Տարօրինակ հոտով հեղուկ, անգույն արտադրությունը, որն ի հայտ է գալիս սեքսով զբաղվելուց հետո, կարող է լինել բակտերիալ վագինոզի՝ մինչև 40 տարեկան կանանց շրջանում ամենատարածված վարակի արդյունքում, իսկ տհաճ հոտով կանաչավուն ու պղպջակներով լորձը վկայում է տրիխոմոնիազի մասին:

3. Հարկավոր է հիշել ապահով հարաբերությունների մասին

Գինեկոլոգները վստահ են, որ ոչ մի դեպքում չի կարելի անուշադրութան մատնել ապահովությունը հարաբերությունների ժամանակ՝ նույնիսկ, եթե զուգընկերները լիովին վստահում են միմյանց:

Բնականաբար անցանկալի հղիությունից և հիվանդություններից պաշտպանվելու ամենապարզ ու հասանելի տարբերակը պապանակներն են, որոնք գրեթե կատարյալ պաշտպանություն են ապահովում, չունեն հակացուցումներ ու չեն առաջացնում կողմնակի բարդություններ:

Կա նաև մի վարակ` հեպատիտ B-ն, որը նույնպես փոխանցվում է սելական ճանապարհով, սակայն դրա կանխարգելման համար գոյություն ունի հատուկ պատվաստանյութ:

Պատվաստումներն իրականացվում են երեք փուլով (10-12 տարին մեկ):

խորհուրդ գինեկոլոգից

4. Ճիշտ ծանրաբեռնվածություն

Կանանց օրգանիզմը, անատոմիական առանձնահատկություններից ելնելով, նախատեսված չէ մեծ ծանրությունների ու ծանրաբեռնվածության համար:

Բանը նրանում է, որ որովայնի հատվածի վրա մեծ ճնշում գործադրելը բացասաբար է ազդում կոնքի օրգանների վրա, ինչը կարող է հանգեցնել անմիզապահության հետ կապված խնդիրների առաջացմանը:

Սա է պատճառը, որը հարկավոր է շատ ավելի ուշադիր լինել ինչպես առօրյայում, այնպես էլ սպորտով զբաղվելիս:

5. Հարկավոր է երեխաներին հաղորդակից դարձնել ճիշտ կյանքին

Մայրիկները պետք է անպայման զրուցեն իրենց դստրերի հետ սառական կյանքի և հակաբեղմնավորիչների մասին՝ հատկապես, երբ լրանում է երեխայի 12-13 տարին:

Շատ կարևոր է հոգեբանական պատնեշը հաղթահարելը, քանի որ այլ աղբյուրներից ստացված տեղեկատվությունը կարող է կործանարար լինել երեխայի համար:

Մայրը պետք է դստերը խորհուրդ տա լավ գինեկոլոգի մոտ ստուգվել, սակայն ոչ մի դեպքում չպետք է պարտադրի այդ ստուգումը:

Նաև հարկավոր է բացատրել երեխային, որ նորաձևությունը կարող է երբեմն կործանարար լինել առողջության համար, ուստի մինի-կիսաշրջոզգեստների, կիպ ջինսե տաբատների, կարճ ձմեռային բաճկոնների ու սինթետիկ կտորներից կարված ստրինգերի մասին ցանկալի է մոռանալ:

Երեխան պետք է իմանա, թե ինչու չի կարելի կրել խոնավ լողազգեստ ու նստել քարե նստարաններին՝ հատկապես դաշտանի օրերին:

Բացի այդ, երեխան դեռ մանկուց պետք է ծանոթ լինի անձնական հիգիենայի կանոններին՝ հետագայում բազմաթիվ խնդիրներից խուսափելու համար:

Հարկ է նաև հիշել, որ առողջության պահպանման համար շատ կարևոր գործոն է նաև բժշկի և հիվանդի միջև վստահությունը:

Հաճախ որևէ բժշկի կոպիտ կամ անհարգալից վերաբերմունքի պատճառով հիվանդները չեն ցանկանում խորհրդակցել ոչ մի բժշկի հետ, ինչի հետևանքով խնդիրներն էլ ավելի են խորանում:

Հենց սա է պատճառը, որ մասնագետները խորհուրդ են տալիս գտնել որևէ բժշկի, որը կհամապատասխանի բոլոր պանահջներին և չի վանի ո՛չ իր վերաբերմունքով, ո՛չ էլ մասնագիտական տվյալներով:

Բացի այդ, մշտական բժիշկը ծանոթ է լինում հիվանդի խնդրին և նրա օրգանիզմի յուրահատկություններին, ուստի շատ ավելի արագ կգտնի հիվանդության պատճառն ու անհրաժեշտ բուժումը:

Նախքան բուն հետազոտությանն անցնելը, գինեկոլոգը սովորաբար ներկայացնում է, թե ինչ է պատրաստվում անել եւ ինչու։ Սակայն նա չի կարող իմանալ ձեր բոլոր անհանգստությունների եւ հնարավոր հարցերի մասին։

Կարեւոր է չամաչել եւ բարձրաձայնել դրանք։ Իսկ թե որքան անկաշկանդ կլինեք, կախված է նաեւ բժշկի արձագանքից․ նա պետք է խուսափի քննադատելուց, գնահատողական մեկնաբանություններից, նրբանկատ լինի եւ, իհարկե, չծաղրի։

Կիսվել նյութով